मोटरसाइकल दुर्घटनामा परी माडीका दुई युवाहरु घाइते

१६ चैत्र, चितवन । होली खेलेर रीउ खोलामा नुहाई मोटरसाइकलमार्फत घर फर्किरहँदा दुर्घटनामा परी माडी-३, इनारबरुवाका दुई युवाहरु घाइते भएका छन् ।

मोटरसाइकल पल्टिएर दुर्घटना हुँदा माडी – ३ इनारबरुवा निवासी अन्दाजी बर्ष २४ का अनिश महतो र सोही उमेर एवं स्थानका अनन्त महतो घाइते भएका हुन् । घाइतेद्वयमध्ये अनिशको अवस्था गम्भीर रहेको र अनन्तको अवस्था मध्यम रहेको परिवार श्रोतले जनाएको छ ।

घाइते दुबैजनालाई थप उपचारका लागि भरतपुर लगिएको छ । मोटरसाइकलमा तीनजना सवार रहेको तर, तेश्रो व्यक्तिलाई सामान्य चोट मात्रै लागेको बुझिएको छ । बाटोमा हिडिरहेका एक पैदलयात्रुलाई बचाउन खोज्दा मोटरसाइकल अनियन्त्रित भई दुर्घटनामा परेको जनाइएको छ । (साँकेतिक फोटो)