चितवन । नेकपा (एकीकृत समाजवादी) सम्बद्ध महिला संगठन अखिल नेपाल महिला संघ (समाजवादी)का माडी नगर अध्यक्ष मनी कुमारी महतो नेकपा (एमाले) प्रवेश गर्नुभएको छ ।
स्थानीय तहको निर्वाचनमा नेकपा (एमाले)बाटै माडी-३ को वडा सदस्यमा निर्वाचित भई नगर कार्यपालिका सदस्य एवं आदिवासी जनजाती नगर संयोजक समेत रहनुभएकी महतोले एक वक्तव्य प्रकाशित गर्दै पुनः एमालेमै फर्किएको जनाउनुभएको हो ।
बिगतमा आफू भ्रममा परी एकीकृत समाजवादीमा लागेको र सो पार्टीको उद्देश्य एमाले पार्टी हराउनु मात्रै रहेको पाएको जिकिर गर्दै महतोले एमाले पार्टीमै रहने निणर्य गरेको वक्तव्यमा उल्लेख गर्नुभएको छ ।
एकीकृत समाजवादी पक्षले भने सुरुवाती प्रतिक्रिया दिँदै दबाब र प्रभावमा पारी महतोलाई एमाले प्रवेश गराइएको जिकिर गरेको छ ।
