१३ चैत्र, चितवन । उत्तर पश्चिमी माडीको अमिलिया क्षेत्रमा एक बयस्क भाले गैंडा मृत फेला परेको छ ।
आइतबार बिहान करीब ७ बजेको समयमा बनकट्टा रेञ्ज पोस्टको संयुक्त गस्ती टोलीले चितवन राष्ट्रिय निकुञ्जको कोर ईलाका अन्तरगत रीउ खोला छेउ सपनावती घोल किनारमा अन्दाजी २९ बर्षको भाले गैडा मृत अवस्थामा भेटेको थियो ।
घोलमा पछाडीको दुबै खुट्टा भाँसिएर गैंडाको मृत्यु भएको घटनाको मुचुल्कामा उल्लेख भएको छ । गैंडाको खाग र खुर सुरक्षित अवस्थामै भेटिएको निकुञ्ज श्रोतले जनाएको हो । सो मृत गैंडाको पोस्टमार्टम गरी खाडल खनी गाडिएको जनाइएको छ ।
