१ श्रावण, चितवन । लामो समयसम्म पानी नपरेपछि माडीका किसानहरूले भगवान ईन्द्रको भजनकीर्तन र पूजा गरेका छन् ।
विज्ञापन १
समयमा पानी नपर्दा कतिले धान रोप्नै सकेनन् भने रोपी सकेकालाई पानीको अभावमा रोपेको धान डढ्ने चिन्ताले सताई रहेको छ । माडीका कतिपय सुख्खा जमीनमा पानीकै अभावमा धान रोप्न नपाए पछि स्थानीय कृषकहरूले पानी पारिदेदेऊ ईन्द्र भगवान भन्दै ईन्द्रको पूजा गरेका हुन् ।
विज्ञापन 2
यस क्षेत्रमा पर्ने अधिकांश खेत साउनको पहिलो हप्तासम्म धान रोप्ने काम सकिनै लाग्दा यसपटक रोप्न नपाए पछि स्थानीयले ईन्द्रको पूजा गरेका हुन् । जल तथा मौसम विज्ञान विभागले आउँदो मंगलबारबाट देशभर आंशिकदेखि सामान्य बदली रही वर्षाको सम्भावना रहेको विभागको वेवसाइटमा प्रकाशित छ ।