चितवन । दिवाकर स्मृति माध्यमिक विद्यालयले १० कठ्ठा जमिन खरिद गरी नयाँ विद्यालय भवन निर्माण अगाडि बढाएको छ ।
विज्ञापन १
माडी-५, रमाइलोडाँडास्थित विद्यालयको ब्लक ‘ए’ मा नयाँ ८ कोठे भवन निर्माणका लागि विद्यालयले ६५ लाख रुपैंयाको लागतमा १० कठ्ठा जमिन खरिद गरेको हो । विद्यालयसंग जोडिएको उत्तरतर्फको जमीन खरिद गरी संघीय सरकारको सहयोगमा नयाँ भवन निर्माण जारी रहेको हो ।
विज्ञापन २
खरिद कबोल रकममध्ये ५५ लाख रुपैंया साउन ३ गते बुझाइएको र बाँकी १० लाख रुपैंया यसै साउन महिनाभित्रै भुक्तानी गरी जमीनको रजिस्ट्रेशन पास लिइने विद्यालय व्यवस्थापन समिति अध्यक्ष ओमनाथ पाण्डेले जानकारी दिनुभयो ।
विज्ञापन ३
विद्यालयमा विद्यार्थी संख्या बढ्दै जाँदा भौतिक संरचनाको अभावका कारण नयाँ विद्यालय भवन निर्माणका लागि जमीन खरिद गरिएको विद्यालयका प्रधानाध्यापक राजु अधिकारीको भनाई छ ।
