चितवन । रबि लामिछाने नेतृत्वको राष्ट्रिय स्वतन्त्र पार्टीको माडी नगर (तदर्थ) समिति गठन भएको छ ।
व्यवसायिक पृष्ठभूमिका नारायणदत्त रिजालको संयोजकत्वमा रा.स्व.पा.को माडी नगर तदर्थ समिति गठन भएको हो । समितिको सदस्यहरुमा अर्जुन चपाईं, दिपेश महतो, बिष्णु भट्टराई र प्रविन अधिकारी तथा महिला सदस्यहरुमा ईन्द्र चापागाईं र लक्ष्मी तामाङ रहनुभएको छ ।
लामो समय पत्रकारिता क्षेत्रमा सक्रिय रबि लामिछानेले गत असार ७ गते ’राष्ट्रिय स्वतन्त्र पार्टी’को घोषणा गरी संगठन निर्माणको देशव्यापी अभियान चलाइरहनुभएको छ । यसै सन्दर्भमा माडीमा समेत सो पार्टीको तदर्थ नगर समिति चयन भएको हो ।
