चितवन । राष्ट्रिय प्रजातन्त्र पार्टीका केन्द्रीय बरिष्ठ उपाध्यक्ष विक्रम पाण्डेले माडीका अगुवा कार्यकर्ताहरुसंग भेट छलफल गर्नुभएको छ ।
विज्ञापन १
एक शोकसभामा सहभागी हुन बिहीबार बिहान माडी आउनुभएका नेता पाण्डेले माडीको बसन्तपुरस्थित पार्टी कार्यालयमा कार्यकर्ता भेटघाट गर्नुभएको हो । भेटघाटमा आउँदो निर्वाचनमा राप्रपाबाट चितवन क्षेत्र नं. ३ मा प्रत्यक्षतर्फ उम्मेदवारी र चुनावी बिषयमा छलफल भएको सो पार्टी श्रोतले बतायो ।
विज्ञापन २
विगत २०५२ सालदेखि हरेक निर्वाचनमा माडी क्षेत्र समेट्ने निर्वाचन क्षेत्रबाट निरन्तर चुनाव लड्दै आउनुभएका पाण्डे २०७० सालको दोश्रो संविधानसभा निर्वाचनमा एकपटक विजयी हुनुभएको थियो । आसन्न प्रतिनिधीसभा निर्वाचनमा उहाँ राप्रपा र एमाले गठबन्धन भई उम्मेदवार उठ्ने चर्चा भएपनि निश्चित भने भइसकेको छैन ।
विज्ञापन ३
