चितवन । राष्ट्रिय स्वतन्त्र पार्टीबाट चितवन क्षेत्र नं. ३ मा पार्टी सभापति रबि लामिछानेले उम्मेदवारी दिने तयारी गर्नुभएको छ ।
विज्ञापन १
स्वदेश एफ.एम.संग कुराकानी गर्दै सभापति लामिछानेले आफू चितवन ३ बाटै उम्मेदवार बन्ने अन्तिम तयारीमा रहेको र अबको केहि घण्टाभित्रै सार्वजनिक गर्न लागेको बताउनुभयो ।
विज्ञापन 2
कुनै विशिष्ट परिस्थिति सिर्जना नभए आइतबार रा.स्व.पा.ले चितवन ३ बाटै सभापति लामिछानेको उम्मेदवारी दर्ता गर्ने जनाएको हो । सो पार्टीको चितवन जिल्ला समितिले शुक्रबार लामिछानेलाई चितवनबाटै चुनाब लड्न अनुरोधपत्र पठाएको थियो ।
सुरुवातमा, पार्टी घोषणापूर्व गत असारमा उहाँले काठमाडौंबाट उम्मेदवारी दिने बताउनुभएको थियो । तर पछि उहाँले मतपत्र सुरक्षित रहने हो भने प्रचण्डले उम्मेदवारी दिने पूर्वघोषणा गर्नुभएको चितवन ३ मै उम्मेदवारी दिनसक्ने अभिव्यक्ति दिनुभएको थियो ।