आफूले राप्रपालाई समर्थन गरेको भन्ने झूठो प्रचार गरिएको माडीका काँग्रेस नेता चौधरीको भनाइ

चितवन । माडीका काँग्रेस नेता डिल्लिराम चौधरीले, आफूले राप्रपालाई समर्थन गरेको भन्ने झूठो प्रचार गरिएको बताउनुभएको छ ।

स्वदेशसंग टेलिफोन कुराकानी गर्दै माडी-३, ईनारबरुवा निवासी पूर्वशिक्षक एवं काँग्रेसका थारु नेता चौधरीले आफू बिरुद्ध गलत प्रचार भएको बताउनुभएको हो । आफू पार्टीको जिम्मेवार व्यक्ति भएकाले गठबन्धन र त्यसका उम्मेदवारहरुकै पक्षमा रहेको उहाँले बताउनुभयो ।

केहि दिनअघि राप्रपा उपाध्यक्ष एवं चितवन ३ का उम्मेदवार बिक्रम पाण्डे सहभागी रहनुभई माडीको इनारबरुवास्थित मन्दिरमा सम्पन्न एक कार्यक्रममा चौधरी समेत सहभागी रहनुभएको थियो ।

गाउँको मन्दिरमा आयोजित कार्यक्रममा निमन्त्रणा भएकाले आफू सहभागी भएको तर राप्रपा कार्यकर्ताहरुले त्यसबखतको फोटोको दुरुपयोग गरी आफूबिरुद्ध प्रचारबाजी गरेको चौधरीको दाबी छ । (सोही तस्वीर)