चितवन । चितवन क्षेत्र नं. ३(ख)का प्रदेशसभा सदस्य ठाकुर प्रसाद ढकाल सानो समूहमा घरगाउँमा पुगी मतदाता भेटघाटमा व्यस्त रहनुभएको छ ।
चुनाबी जितपश्चात बिजय जुलुशको सट्टामा कृतज्ञता सभा गर्नुभएका ढकालले चुनाबमा मतदान गर्ने र चुनाबी अभियानमा खटिने मतदाता एवं नेता कार्यकर्ताहरुसंग भेट गरी कृतज्ञता व्यक्त गरिरहनुभएको हो ।
यस अभियानका क्रममा हनुमानझुलादेखि वडा नं. १ का विभिन्न गाउँहरुमा पुगिसकेको नवनिर्वाचित प्रदेश सांसद ढकालले जानकारी दिनुभयो । भेटका क्रममा आफ्ना चुनाबी प्रतिबद्धता पुरा गर्न संधै क्रियाशील रहने भन्दै उहाँले आवश्यक सहयोग र सुझावका लागि अनुरोध गरिरहनुभएको हो ।
