बाटो धुलाम्य भएको गुनासो सहित वडाको ध्यानाकर्षण गराएको तेश्रो दिनमै मर्मत सुचारू

चितवन । बाटो अत्यधिक धुलाम्य हुँदा जनजीवन प्रभावित भएको गुनासो सहित स्थानीयले वडा कार्यालयको ध्यानाकर्षण गराएको तेश्रो दिनमै माडीको कीर्तनपुरमा बाटो मर्मत सुचारू भएको छ ।

माडी नगरपालिका-७ स्थित कीर्तनपुर बजारदेखि गोपालनगर हुँदै गौरीनगर जाने निर्माणाधीन बाटोमा कालोपत्रे सडक निर्माण सुचारु भएको हो ।

कालोपत्रे गर्नका लागि बर्षायाम अगावै सबबेस राखेको भएपनि कालोपत्रे नगरिँदा सडक धुलाम्य भएको गुनासोसहित प्रभावित क्षेत्रका बासिन्दाहरूले वडा कार्यालयमा ज्ञापनपत्र बुझाएका थिए ।

प्राप्त ज्ञापनपत्र अनुसार वडाध्यक्ष चन्द्रकुमारी बानियाँले निर्माण ठेकदार पक्षसंग सम्पर्क र समन्वय गर्नुभएकोमा शनिवार बिहानबाट बाटो निर्माण कार्यले निरन्तरता पाएको हो ।

निर्माण कार्यमा स्थानिय बासिन्दाहरुबाट कुनै अबरोध नभए आउँदो पौष १५ गतेभित्रै निर्माण कार्य सम्पन्न गरिसक्ने निर्माण व्यवसायी (ठेकदार) पक्षले जनाएको स्थानीय युवा हरि रानाभाटले जनाउनुभयो ।