चितवन । चितवन क्षेत्र नं. २ बाट लोकप्रीय मतसहित प्रतिनिधिसभा सदस्य निर्वाचित रवि लामिछानेको सांसद पद खारेजीको मागसहित सर्बोच्च अदालतमा रिट दर्ता भएको छ ।
सिन्धुलीका युवराज पौडेल (सफल)ले बुधबार लामिछानेको नागरिकता विवाद र सांसद तथा राष्ट्रिय स्वतन्त्र पार्टी सभापति पदको सम्बन्धमा सर्वोच्चमा रिट दर्ता गराउनुभएको हो ।
सर्वोच्च अदालतका प्रवक्ता सहरजिष्ट्रार विमल पौडेलका अनुसार लामिछाने बिरुद्धको रिट पुस ६ गतेको संवैधानिक इजलासको पेसीमा राखिएको छ । यसअघि लामिछानेमाथि नागरिकता र पासपोर्ट सम्बधमा निर्वाचन आयोग र जिल्ला प्रशासन कार्यालय काठमाडौंमा उजुरी परेको थियो ।
