चितवन । २४औं अन्तर्राष्ट्रिय युवा दिवसको अवसरमा माडीमा सम्पन्न खुला वक्तृत्वकला प्रतियोगितामा रश्मि आचार्य प्रथम हुनुभएको छ ।
जिल्ला युवा समिति चितवनद्वारा आयोजित ‘समृद्धिका लागि हरित विश्वको महत्व’ बिषयक सो प्रतियोगितामा अर्जुन अर्याल दोश्रो, आयुषा ठकुरी तेश्रो र प्रतिमा गुरुङ्गले चौथो (सान्त्वना) स्थान हासिल गर्नुभयो ।
४० बर्ष उमेर सम्मका १२ जना युवाहरुको सहभागिता रहेको सो खुला प्रतियोगितामा प्रथम हुने आचार्यले ४१, दोश्रो हुने अर्यालले ३७, तेश्रो हुने ठकुरीले ३५.५ र सान्त्वना स्थान पाएका गुरुङ्गले ३४ अंक प्राप्त गर्नुभएको हो ।
जिल्ला युवा समितिका अध्यक्ष रामचन्द्र लम्सालको अध्यक्षतामा सम्पन्न सो प्रतियोगितामा माडीका नगरप्रमुख ताराकुमारी काजी महतोको प्रमुख आतिथ्य रहेको थियो ।
कार्यक्रमको प्रवद्र्धकहरुमा माडी नगरपालिका, माडी क्याम्पस, नगर युवा सञ्जाल माडी समृद्धिका लागि युवा अभियान माडी, बसन्तपुर युनाइटेड क्लब र स्टार स्पोर्टस् क्लब रहेका थिए ।
