२३ श्रावण, चितवन । काठमाडौंबाट रसुवाको स्याफ्रुबेँसीका लागि उडेको एअर डाइनेस्टीको हेलिकप्टर नुवाकोटमा दुर्घटना हुँदा चालक (पाइलट)सहित पाँचजनाको मृत्यु भएको छ ।
विज्ञापन १
काठमाडौंबाट दिउँसो १ः५४ बजे उडेर करीब ३ मिनेटमै सम्पर्कविहीन हुनपुगेको एअर डाइनेस्टीको नाइन एन एजेडी हेलिकप्टर नुवाकोट जिल्लाको शिवपुरी गाउँपालिका वडा नम्बर ७ स्थित गुर्जेमा बुधबार दिउँसो दुर्घटनामा परेको हो ।
विज्ञापन २
दुर्घटनामा परी चालक (पाइलट) क्याप्टेन अरुण मल्ल र हेलिकप्टरमा सवार चारैजना चिनियाँ पर्यटकको मृत्यु भएको छ । नेपाली आकासमा हवाई दुर्घटनाको अत्यासलाग्दो क्रमकै निरन्तरमा बुधबार सो हेलिकप्टर दुर्घटनामा परेको हो । यसको दुई साताअघि काठमाडौंमा सौर्य एअरको जहाज दुर्घटना हुँदा ठूलो हताहती भएको थियो ।
विज्ञापन ३
