चितवन । माडीको बरुवामा कृष्ण जन्माष्टमी पर्वको दिन सुरु भई तीज पर्वको दिनमा फाइनल स्पर्धा हुनेगरी २९औं स्टार कप सञ्चालन हुने भएको छ ।
स्टार स्पोर्ट क्लबको आयोजनामा बरुवास्थित स्टार फुटबल चौरमा भदाै १० गते कृष्ण जन्माष्टमी पर्वका दिन उद्घाटन भई २९औं स्टार कप खुला नकआउट फुटबल प्रतियोगिता सञ्चालन हुन लागेको हो ।
प्रतियोगिताको आयोजनाबारे आइतबार साँझ आयोजक क्लबको कार्यालयमा एक पत्रकार सम्मेलनमार्फत जानकारी दिइनुका साथै ट्राइसिट (खेल तालिका) सार्वजनिक समेत भएको छ ।
गोल्डेन इमिनेन्ट इन्टरनेशनल प्रा.लि.को मुख्य प्रायोजनमा सञ्चालन हुने सो प्रतियोगिताको प्रवद्र्धका माडी १ वडा कार्यालय रहने तथा प्रथम र दोश्रो पुरस्कार शिल्ड, मेडल र प्रमाणपत्रसहित नगद रु. २ लाख र १ लाख रहने सो पत्रकार सम्मेलनमार्फत जानकारी गराइएको हो ।
नेपालमा २५ बर्षभन्दा धेरै अवधी (रजत अंकभन्दा बढ) सञ्चालनमा रहेका ३ वटामात्रै स्पर्धामध्येको एक सो प्रतियोगिता हरेक बर्ष तीजको अवसर पारी सञ्चालन हुँदै आएको छ ।