चितवन । तीज पर्वको अवसरमा माडीको बरुवामा आयोजित २९औं स्टारकप फुटबल प्रतियोगिताको ट्राइसिट एवं जर्सी सार्वजनिक गरिएको छ ।
आइतबार माडीको बरुवास्थित प्रतियोगिताको आयोजक संस्था स्टार स्पोर्टस् क्लबको कार्यालयमा एक पत्रकार सम्मेलन आयोजना गरी ट्राइसिट र गोल्डेन इमिनेन्ट इन्टरनेशनलको सौजन्यमा क्लबको जर्सी सार्वजनिक गरिएको हो ।
प्रतियोगिताको मुख्य प्रवद्र्धक रहेको माडी १ वडा कार्यालयका वडाध्यक्ष अमित कुमार लामा र प्रतियोगिताको मुख्य प्रायोजक कम्पनी गोल्डेन इमिनेन्टका प्रमुख प्रकाश रिजाल लगायत आयोजक क्लबका पूर्व अध्यक्षहरुले संयुक्त रुपमा ट्राइसिट र जर्सी सार्वजनिक गर्नुभएको हो ।
ट्राइसिट अनुसार भदाै १० गते दिउँसो ३ः३० बजे उद्घाटन खेलमा बसन्तपुर युनाइटेड क्लब, माडी र प्याराडाइज युवा क्लब रत्ननगर भिँड्नेछन् । हरेक दिन एकवटा खेलको मोडेलबाट खेल तालिका व्यवस्थापन गरिएको खेल संयोजक देव बहादुर बि.क.ले जानकारी दिनुभयो ।