चितवन । माडी-१, सिखारीपुर गाउँमा चट्याङ लागेर एक महिलाको मृत्यु भएको छ । आइतबार बिहान करीब ९ बजे परेको चट्याङ लागी दयाराम महतोका श्रीमती, बर्ष ५० का सरस्वती महतोको मृत्यु भएको हो । बिहानपख भारी बर्षा भइरहेको समयमा गोठमा रहेको भैंसी सार्न घरबाहिर निक्लिँदा उहाँमाथि चट्याङ परेको थियो ।
विज्ञापन १
चट्याङका कारण महतोको कपाल, ढाड, खुट्टा र शरीरका अन्य भागहरु जलेको देखिन्छ । मृतकको शव (यो समाचार तयार पार्दासम्म) बघौंडा अस्पतालमा रहेको र पोष्टमार्टम (परीक्षण)का लागि जिल्ला अस्पताल भरतपुर पठाउने तयारी गरिएको माडी प्रहरीले बताएको छ ।
विज्ञापन 2