माडी, चितवन । माडी-६, स्याउलीबासस्थित मिराकल गार्डेन (प्रा.) लि.ले माडीकै सिधुवा गाउँको तोरीबारी फाँटमा चरनका लागि राखेको मौरीको घारमा तोडफोड र आगजनी भएको छ ।
विज्ञापन १
मौरीले टोकेको भन्दै स्थानीय एक पुरुषले मंगलबार साँझ घारहरु तोडफोड गरी आजगनी गरेका हुन् । चरनका लागि १५ घार सुपर सहित २९ गोला मौरी सो स्थानमा राखिएकोमा सबैजसो गोलाहरुमा तोडफोड हुनुका साथै केहि घारहरु सहित मह काढ्ने यन्त्रहरुमा आगजनी भएको हो ।
विज्ञापन २
तोडफोड र आगजनीबाट करीब ५ लाख रुपैंयाको क्षती भएको मौरीपालक कृषक दामोदर देवकोटाले बताउनुभयो । मौरीको घारमा पुगेको क्षतीबाट आफू विक्षिप्त भएको भन्दै उहाँले माडीप्रति नै नैराश्यता व्यक्त पनि गर्नुभयो । सो स्थानमा मंगलबार (आज) दिउँसो मह काढिएको थियो । घटनास्थल पुगेको माडी प्रहरीले मौरीको गोलामा तोडफोड र आगजनी गर्ने पुरुषको पहिचान भइसकेको बताएको छ ।
विज्ञापन ३
