नेपालीहरुको महानपर्व विजया दशमीको अवसर पारी समाज सुधार तथा वातावरण विकास नेपाल (साइड नेपाल) बसन्तपुरले तेस्रो दशै कप नकआउट फुटबल प्रतियोगिता २०७५ आयोजना गरेको । माडी नगरपालिका स्तरमा सञ्चालित हुने सो प्रतियोगिता आउँदो असोज १९ गते उद्घाटन भई असोज २९ गते सम्म सञ्चालित हुने कार्यतालिका रहेको छ ।
यसपटकको दशै कप नकआउट फुटबल प्रतियोगिता २०७५को बिजेताले माडीको हालसम्मकै सर्बाधिक पुरस्कार धनरासी स्वरुप ८० हजार रुपैंयाका साथमा शिल्ड, मेडल र प्रमाणपत्र प्राप्त गर्नेछ । त्यसैगरी दोस्रो हुने समूहले नगद ४० हजारका साथमा शिल्ड, मेडल र प्रमाणपत्र प्राप्त गर्नेछ । प्रतियोगिता अन्तरगत अनुशासित टिम, सर्बाधिक गोलकर्ता, उत्कृष्ट मिड फिल्डर, उत्कृष्ट डिफेन्स, उत्कृष्ट गोलरक्षक तथा अनुशासित टिम लगायतले समेत नगद पुरस्कार र मेडल प्राप्त गर्ने खेल संयोजक रामु क्षेत्रीले स्वदेश एफ.एम.लाई जानकारी दिनुभयो । हरेक खेलमा म्यान अफ द म्याचलाई पुरस्कृत गरिने सो कार्यक्रम माडी नगरपालिका–३ बसन्तपुर बजारमा रहेको फुटबल चौरमा सञ्चालन हुनेछ । प्रतियोगितामा माडीभरिका करिब २४ समूहले सहभागिता जनाउने आयोजकले विश्वास लिएको छ ।
