माडीबाट जन्ती लिएर नवलपरासी जाँदै गरेको बसले आज (शनिबार) बिहान करीब ८ः३० बजे साइकल यात्रुलाई ठक्कर दिँदा एकजनाको मृत्यु भएको छ । ना.४ ख. ५१९३ नम्बरको बसले भरतपुर महानगरपालिका १४, बरौदी नमस्ते चोकमा ठक्कर दिँदा साइकलयात्री अन्दाजी ५५ बर्षीय बालकृष्ण सापकोटाको मृत्यु भएको हो ।
गाडीको ठक्करपछि सापकोटालाई भरतपुर अस्पताल लगिएकोमा उपचारका क्रममा उनको मृत्यु भएको गीतानगर प्रहरीले जनाएको छ । ठक्कर दिने गाडी र चालकलाई गीतानगर प्रहरीले नियन्त्रणमा लिएकोमा हाल जिल्ला प्रहरी कार्यालय, भरतपुर चलान गरेको छ l
