पूर्वी माडीको कृष्णनगरमा लिभिङ विथ टाइगर्स परियोजनाद्वारा बागवानी कृषक कार्यशाला सम्पन्न भएको छ ।
वातावरणीय शुसासन कार्य समूहले सञ्चालन गरिरहेको सो परियोजनाले पूर्वी
माडीका ९ जना कृषकहरुलाई प्रयोगात्मक रुपमा बागवानी तालिम दिएको हो । बैशाख
४ गते सुरुवात भएको सो चारदिने तालिममा तरकारी तथा फलफूल उत्पादनका
तौरतरिका, त्यसमा लाग्ने रोगहरुको पहिचान, निदान र अन्य पाटोहरुबारे
सहभागीहरुलाई प्रशिक्षित गरिएको थियो ।
माडी नगरपालिका वडा नं. ९ का कषकहरुको सहभागितामा सञ्चालित सो तालिम
पूर्णरुपमा कृषकको खेतमै सञ्चालन भएको थियो । तालिमको प्रशिक्षकका रुपमा
चेष्टर यु.के.का केली र आना नामका विदेशी प्राविधिकहरु रहेको लिभिङ विथ
टाइगर्स परियोजनाका प्रतिनिधी एकराज भण्डारीले स्वदेश एफ.एम.लाई जानकारी
दिनुभयो ।
कार्यक्रमको समापन समारोहमा लिभिङ विथ टाइगर्स
परियोजनाका अधिकारीहरुसंगै अयोध्यापुरी मध्यवर्ती उपभोक्ता समितिका अध्यक्ष
मथुरा बहादुर भण्डारी र सचिव लीलाधर भण्डारी लगायतको आतिथ्यता रहेको थियो ।
(सांकेतिक फोटो)
