माडीभर २२८ जना कृषकहरुले कुल १०६ बिगाहा जमीनमा गरिमा जातको भनिएको हाइब्रिड धान खेती गरेको देखिएको छ ।
राष्ट्रिय बीउबिजन गुणस्तर नियन्त्रण केन्द्रका प्रमुख, राष्ट्रिय मकैबाली
अनुसन्धान कार्यक्रमका बैज्ञानिक, कृषि ज्ञान केन्द्र चितवनका प्रमुख र
भरतपुर महानगरपालिका तथा माडी नगरपालिकाका कृषि शाखा प्रमुखद्वय सम्मिलित
टोलीले माडीभर लगाइएको गरिमा जातको भनिएको धानखेतीको अनुगमन गरी सो तथ्यांक
सार्वजनिक गरेको हो ।
माडीबाहिर चितवनको राप्ती नगरपालिकामा ३७८ बिगाहा, खैरहनीमा १६८ बिगाहा ४
कट्ठा, रत्ननगरमा १३५ बिघा, भरतपुर महानगरपालिकामा ८५ बिघा र कालिका
नगरपालिकामा ३० बिघा ५ कठ्ठामा गरिमा जातको भनिएको धान रोपिएको तथ्याङ्क छ ।
सो धानमा समयमै बाला नलागेपछि किसानहरुले भोगेको क्षतिको मुल्याङ्कन गर्न
गठित सरकारी टोलीले फिल्ड अनुगमन गरेको हो । संकलित विवरण अनुसार
किसानहरुलाई राहत दिइने कृषि ज्ञान केन्द्रका प्रमुख राजन ढकालको भनाई छ ।
