यशुको नाममा प्रार्थना गरे कोरोना भाइरस हट्छ भनी भ्रम फिँजाउने एक महिलालाई माडी प्रहरीले नियन्त्रणमा लिई जिल्ला चलान गरेको छ ।
माडी नगरपालिका वडा नं. ७, जगन्नाथपुरीबाट उनलाई पक्राउ गरिएको ईलाका प्रहरी कार्यालय माडीका प्रमुख हर्क विश्वकर्माले जानकारी दिनुभयो । यसबाहेक लकडाउनको चौथो दिन आज बिना काम लकडाउनको उल्लंघन हुनेगरी सवारी चलाएका ४ वटा मोटरसाइकलहरु पनि नियन्त्रणमा लिइएको उहाँले जानकारी दिनुभयो । अबका दिनमा लकडाउन उल्लंघन गर्नेलाई सिधै ‘भाटे कारवाही’ गर्ने आदेश जारी भएको पनि उहाँको भनाई छ ।
