देशका अधिकांश क्षेत्रसंगै माडी उपत्यकामा पनि निरन्तर बर्षा भइरहेसंगै खोलाहरु बाढीग्रस्त भएका छन् भने सडक मार्ग अवरूद्ध भएको छ।
विज्ञापन १
माडीको परुई खोलामा आएको बाढीका कारण सुकुम्बासी चेपाङहरुको बस्तीमा डुबान भएको छ । मगोई खोलामा हेलिएको एकवटा ट्रक खोलामा गडेर ढल्किएको छ । सो खोलामा हेलिएका अन्य साना गाडीहरु समेत बिचमै अँड्किँदा जे.सि.बी.को साहारामा बाहिर निकाल्नु परेको छ । बर्षाका कारण रीउ नदीसंगै माडीका खोला र खहरेहरुमा पानीको सतह बढेको छ भने सडक यातायात प्रभावित भएको छ ।
विज्ञापन २
यसैबिच, माडीमा पुल नभएका खोलाहरूमा गाडी तर्न सक्ने अवस्था नरहेकाले अवस्था नबुझी खोलामा गाडी नतार्न नगरपालिकाले सबैमा अनुरोध गरेको छ । नगरपालिकाका बिपद् फोकल व्यक्ति गोबिन्द न्यौपानेले सामाजिक सञ्जालमार्फत सबैलाई सतर्क अनि पुर्व सुचनामा रहन पनि अनुरोध गर्नुभएको हो ।
विज्ञापन ३
