निकुञ्ज रक्षक सेनाको कुटाईबाट मृत्यु भएका पूर्वी चितवनका चेपाङ युवकको परिवारलाई राहतस्वरुप एक लाख रुपैंया दिने सहमती भएको छ । सहमतिपछि राजकुमारको शव बुझ्न उनका आफन्तजन सहमत भएका छन् ।
गत साउन १ गते निकुञ्ज भित्रको ज्यूडी खोला घोंगी टिप्न र माछा मार्नका पुगेका ७ जनालाई सेनाले नियन्त्रणमा लिएर मरणासन्न हुनेगरी कुटपीट गरेकोमा कुटाई खाएका मध्येका एक, बर्ष २४ का राजकुमार चेपाङको मृत्यु भएको थियो । कुटपीट भएको घटनाको करीब एक सातापछि चेपाङलाई उपचार लैजाने क्रममा मृत्यु भएसंगै मृतकका परिवारले क्षतीपूर्तिको माग एवं दोषीलाई कारवाहीको माग गर्दै जिल्ला प्रहरी कार्यालय चितवनमा उजुरी थिए ।
जिल्ला प्रशासन कार्यालय, चितवनमा भएको छलफलमा मृतकको परिवारलाई एक लाख रुपैयाँ राहत दिन सहमति भएको थियो । त्यस्तै, मृतकमा आश्रित बालबालिकाको भरण पोषणका लागि निकुञ्जले सहयोग गर्ने र उनीहरूको घर पनि निकुञ्जले नै बनाइदिने सहमति भएको जनाइएको चितवनका प्रमुख जिल्ला अधिकारी नारायण प्रसाद भट्टराईले जनाउनुभयो ।
