चितवन । माडी ४ सितलपुरका दिवंगत भीमलाल पाण्डेको १२ औं पुण्यतिथिको अवसरमा आज (बिहिवार) पाण्डे निवासमा रक्तदान कार्यक्रम गरिएको छ । कार्यक्रममा महिला र पुरुष गरि कूल ४९ जनाले रक्तदान गरेका थिए ।
रगतको अभावमा कोही कसैलेपनि अनाहकमा ज्यान गुमाउन नपरोस् भन्ने उदेश्यले गरिएको रक्तदान कार्यक्रममा माडी ४ का वडाध्यक्ष माघव प्रसाद चापागाईं प्रमुख अतिथिको रूपमा रहनुभएको थियो ।
यसैगरी नेरेसो बघौडा उपशाखाका सभापति भागिरथ बस्यालले रक्तदानको महत्व र आबश्यकताका बारेमा प्रकाश पार्नुभएको थियो । बिपिन पाठकले सहजीकरण गर्नुभएको कार्यक्रममा दिवंगत भिमलाल पाण्डेका धर्मपत्नी कुशदेबी पाण्डेको अध्यक्षतामा कार्यक्रम सम्पन्न भएको हो ।
