माडी, चितवन । माडीका बरुवास्थित चितई खोलाको नवनिर्मित पुलमाथि नेपालको झण्डा फहराएसंगै आकर्षणको नयाँ केन्द्र बनेको छ ।
विज्ञापन १
स्टार खेलकूद चौर नजिकै, चितई खोलामा निर्मित सो पुलमा बिहीबार माडी-१, बरुवा बजारका युवाहरुले १२ वटा झण्डाहरु राखेका छन् । युवाहरुले स्वतःस्फूर्त सहयोग संकलन गरी पुलमा झण्डा राखेका हुन् ।
विज्ञापन २
बजारको चिया पसलमा गफगाफका क्रममा उब्जेको बिचारलाई मुर्तरुप दिइएको एक युवा अर्जुन पाठकले बताउनुभयो । अब जरा सहितको रुखको ठूटो ल्याई पुलको दक्षिणपट्टी राख्ने र त्यसमाथि ढुङ्गा सजाउने योजना रहेको उहाँले बताउनुभयो ।
विज्ञापन ३
आफनो गाउँ आफै बनाउँ भन्ने नारासहित युवाहरुले नेपाली झण्डाले सजाएको सो पुललाई भाइरल पुलको नाम दिएका छन् । सो पुलको झण्डाको पृष्ठभूमिमा फोटो खिचेर सामाजिक सञ्जालमा पोष्ट गर्नेको जमात अचानक बढेको छ ।
