मगोईसंगै अन्य केहि खोलाको बगर क्षेत्रमा रहेका बिजुलीको पोल ढल्ने अवस्थामा पुगेकाले सुरक्षाका लागि भन्दै आज बिहानभर माडीको बिजुली काटिएको छ ।
दुई बर्षअघि नै बाढीका कारण ढल्किएको मगोई खोलाको पोलमा आजको बाढीले थप क्षती गर्ने आशंका बढेको र चितई लगायतका खोलामा पनि बिजुलीको पोल ढल्नसक्ने सम्भावना बढेकोले बिहान केहि समयका लागि बिद्युत प्रवाह रोकिएको नेपाल विद्युत प्राधिकरण भरतपुर वितरण केन्द्रका प्रमुख शुरेस महतोले स्वदेश एफ.एम.लाई जानकारी दिनुभयो । खोलामा पानीको मात्रा कम दिउँसो करीब १२ः३० बजेबाट बिद्युत सुचारु भएको थियो ।
खोलामा रहेका पोलहरु सार्नुपर्ने वा बैंकल्पिक व्यवस्था गर्नुपर्ने आजान उठ्दै आएको भएपनि समयमै त्यसको व्यवस्थापनमा ध्यान नपुग्दा बिजुली नै अवरुद्ध हुने अवस्था आएको हो । चनौली जगतपुर माडी ३३ के.भीे. सब प्रशारण लाइन र वितरण लाइन अन्तरगत मगोईसंगै अन्य खोला र बगर क्षेत्रमा करीब आधा दर्जन पोलहरु रहेका छन् ।
