चितवनकाे भरतपुरमा एकजना कोरोना संक्रमितको मृत्यु भएको छ । नारायणी सामुदायिक अस्पतालको आईसीयूबाट भरतपुर अस्पतालको आईसीयूमा सोमबार साँझ सारिएका एक संक्रमितको मृत्यु भएको हो ।
उनकाे भरतपुर अस्पतालको आईसीयूमा मंगलबार विहान ७ बजेर ६ मिनेट जाँदा मृत्यु भएकाे अस्पतालले जनाएको छ । उनको शव भरतपुर अस्पतालको आईसीयूमै छ ।
मुटु र निमोनियाको समस्यासमेत रहेका भरतपुर-११ का ६८ वर्षीय ती वृद्धलाई सोमबार मात्रै कोरोना संक्रमण पुष्टि भएको थियो ।
