खेल र सामाजिक सेवाको क्षेत्रमा लामो समयदेखि सक्रिय संस्था स्टार स्पोर्टस् क्लब, माडी-१, बरुवाको अध्यक्षमा लालकाजी क्षेत्री चयन हुनुभएको छ ।
माडीको गोद्धक क्षेत्रमा सम्पन्न क्लबको २७औ साधारणसभा (बार्षिकोत्सव) तथा सातौं अधिवेशनबाट क्षेत्रीको अध्यक्षतामा १३ सदस्यीय नयाँ कार्यसमिति चयन भएको हो ।
क्लबको उपाध्यक्षमा नगेन्द्र प्रसाद पौडेल, सचिवमा करिश्मा महतो, सह-सचिवमा निशान पंगेनी र कोषाध्यक्षमा उत्तम न्यौपाने चुनिनुभएको छ । त्यस्तै, सदस्यहरुमा मेनुका महतो, देव नारायण लोहार, बिजय महतो, डिल्लीराम भण्डारी, लक्ष्मी थापा, विश्व अवतार घले, पदमराज रेग्मी र फुलमती महतो रहनुभएको छ ।
क्लबको बिधानमा पूर्व अध्यक्षहरु पदेन सल्लाहकार रहने व्यवस्था अनुसार पूर्व अध्यक्षहरु बिष्णु सुवेदी, तुल्सिङ गुरुङ, माधव बस्नेत, खिमलाल सुनार र सुर्य अधिकारी तथा निवर्तमान अध्यक्ष हरि अधिकारी सम्मिलित सल्लाहकार समूह समेत गठन भएको जनाइएको छ ।