माडी, चितवन । माडी युवा गायक उत्तम (अनन्त) पौडेलले पहिलो कोशेलीस्वरुप पानबुट्टे चोलीमा बोलको लोकदोहोरी गीत सार्वजनिक गर्नुभएको छ ।
पेशाले पर्यटन व्यवसायी रहेका माडी-२, सितलपुर निवासी पौडेलसंगै गायिका सुनिता बुढा क्षेत्रीको युगल स्वरांकनमा ‘पानबुट्टे चोलीमा’ बोलको गीत र सोको म्युजिक भिडियो ‘उत्तम अनन्त पौडेल युट्युब च्यानल’बाटै बुधबार रिलिज भएको हो ।
बिष्णु भट्टको शव्द/संगित, बिनोद बराजुलीको एरेन्ज र खड्क बराजुलीको सम्पादनमा तयार भएको सो गीतमा करिश्मा ढकालसंगै सुनिल क्षेत्रीको नृत्य एवं अभिनय देख्न सकिन्छ । निर्देशक समेत क्षेत्री नै रहनुभएको सो म्युजिक भिडियो उत्कृष्ट बनेको छ ।
माडीबाट प्रवेशिका तह उत्तीर्ण गरी भरतपुरबाट उच्च माध्यमिक पुरा गर्दै राजधानी काठमाडौंमा संगित बिषयमै उच्च शिक्षा हासिल गर्नुभएका पौडेल पछिल्लो समय ग्रेटवाल होलिडेज कम्पनीमार्फत पर्यटन व्यवसायमा जोडिनुभएको छ । अब गीतसंगितको क्षेत्रमा समेत आफ्नो सक्रियता बढाउने गायक पौडेलले बताउनुभयो ।
