माडी, चितवन । राष्ट्रिय प्रजातन्त्र पार्टी माडी नगर अध्यक्षमा वीरेन्द्र बहादुर भण्डारी पुनर्चयन हुनुभएको छ । शनिवार सम्पन्न राप्रपा माडी नगर अधिवेशनबाट भण्डारीको अध्यक्षतामा १७ सदस्यीय नयाँ कार्यसमिति पुनर्गठन भएको हो ।
नगर समितिको वरिष्ठ उपाध्यक्षमा राजमान गुरूङ र उपाध्यक्षद्वयमा लेखबहादुर गुरुङ तथा कृष्ण पाठक, सचिवमा डिल्लिराम च्वाईं, सहसचिवमा टिकाराम भट्टराई र कोषाध्यक्षमा लक्ष्मी गुरुङ रहनुभएको छ । नगर समिति सदस्यहरुमा कुल बहादुर दुरा, जमुना थापामगर, मंगल गुरुङ, शान्ति गौतम पौडेल, सुर्यनाथ अधिकारी, सरस्वती कुमारी महतो, पूर्णकला थापा, तारा बहादुर धमला र पार्वती महतो रहनुभएको छ ।
त्यस्तै, राष्ट्रिय प्रजातन्त्र पार्टीको नगर अधिवेशनबाट लक्ष्मी गुरुङको अध्यक्षतामा नगरस्तरीय महिला समिति समेत चयन भएको छ । समितिको उपाध्यक्षमा कालिका भट्टराई, सचिवमा गायत्री सिंजाली मगर, कोषाध्यक्षमा शान्ति गौतम र सदस्यहरुमा पार्वती कुमारी महतो, काशिमाया तामाङ, गीता ज्ञवाली, जमुना थापा र गीता महतो रहनुभएको हो ।
नगर अध्यक्ष भण्डारीको अध्यक्षता सम्पन्न अधिवेशन कार्यक्रममा पार्टीका सहमहामन्त्री रिना गुरुङको प्रमुख आतिथ्य तथा बागमती प्रदेससभा सदस्य ज्ञानुजंग लामा, जिल्ला अध्यक्ष रुद्र ढकाल, वरिष्ठ उपाध्यक्ष चेतनाथ वाग्ले लगायतको विशिष्ट आतिथ्य रहेको थियो ।
