माडी, चितवन । आउँदो रामनवमी पर्वको अवसर पारी माडीको अयोध्याधाममा त्रिदिवसीय रामकथा वाचन तथा भजन कीर्तन र राष्ट्रिय कलाकारहरुबाट झाँकी प्रदर्शनीको कार्यक्रम आयोजना भएको छ ।
अयोध्याधाम पूजा व्यवस्थापन समितिको आयोजनामा आउँदो चैत २२ देखि २४ गतेसम्म माडी-९, अयोध्याधाम परिसरमा सो तीनदिने धार्मिक कार्यक्रम आयोजना गरिएको समितिका अध्यक्ष मथुरा बहादुर भण्डारीले बताउनुभयो ।
कार्यक्रममा चर्चित युवा पण्डित सुदर्शन सुवेदीले रामकथा वाचन गर्नुहुने र कार्यक्रम अन्तरगत सामुहिक ब्रतबन्ध र तुलादान सहित दैनिक पूजापाठ, प्रवचन, हवन, पूजापाठ र प्रसाद वितरण गरिने स्थानीय शिक्षक रामप्रसाद भण्डारीले जनाउनुभयो । कार्यक्रममा सहभागिताका लागि आयोजक समितिले सार्वजनिक आह्वान गरेको छ ।
