हरिबोधनी एकादशीको अवसरमा छरछरे धाममा मेला आयोजनाका लागि तिलक भुसालको संयोजकत्वमा १५ सदस्यीय मेला आयोजक मुल समिति गठन भएको छ । समितिको सह-संयोजक रामप्रसाद तिवारी र सचिव गोपाल काफ्ले रहनुभएको छ । मेलालाई भव्य र सभ्य रुपमा सम्पन्न गर्न मेला व्यवस्थापन समिति गठनका लागि मंगलबार बसन्तपुरको शिखर पार्टी प्यालेसमा बहुपक्षीय छलफल भएको थियो । छरछरे शिव मन्दिर धार्मिक समितिको आह्वानमा सम्पन्न सो बैठकमा माडी नगरपालिका तथा अन्य मातहतका सरकारी निकायहरु, इलाका प्रहरी कार्यालय र सशस्त्र प्रहरी बल सीमा सुरक्षा कार्यालय, छरछरे जस्ता सुरक्षा निकाय, माडी नगर पर्यटन विकास समिति, माडी नगर युवा खेलकूद र साँस्कृतिक समिति, विभिन्न संघसंस्था, सञ्चारकर्मी तथा धार्मिक समूहहरुको सहभागिता रहेको थियो ।
छरछरे धाममा विगत २०३१ सालदेखि हरेक बर्ष एकादशी मेला लाग्दै आएको छ । मेलाको अवसरमा शिवमन्दिरमा पुजा अर्चना गरी तोरण टाँग्नुका साथै विविध साँस्कृतिक कार्यक्रमहरु समेत हुँदै आएको छ । मेला भर्नका लागी माडीका सबै वडाहरुसंगै विभिन्न ठाउँहरुबाट श्रद्धालु भक्त्तजनको व्यापक सहभागिता हुँदै आएको छ ।
