माडीको
बरुवास्थित गर्दी स्वास्थ्य चौकीमा चौबिसै घण्टा प्रसुती एवं प्रयोगशाला
सेवा सञ्चालनमा आएको छ । सेवा अन्तरगत स्वास्थ्य संस्थामा सुरक्षित तवरबाट
सुत्केरी गराउने र रगत, दिशा, पिसाब, खकार, सुगर, जण्डिस, थाइराइड आदिको
परीक्षण सुरु भएको हो । बरुवा बजारमा रहेको सो स्वास्थ्य चौकीमा प्रसुती
एवं प्रयोगशाला सेवा सुरुवात भएसंगै पश्चिमी माडीका विभिन्न गाउँठाउँहरुमा
बसोबास गर्नेहरुलाई सुत्केरी एवं प्रसुतीजन्य सेवाका लागि सहजता भएको छ ।
माया मुलर (लालु तामाङ) र एल्मर मुलरबाट २ लाख, नारायणी सामुदायिक अस्पताल
भरतपुरबाट जिन्सी र क्लिनिक सेवा समेत गरी करीब ५ लाख, माडी नगरपालिका वडा
नं. १ बाट ३ लाख, वडा नं. २ बाट १ लाख, माडी नगरपालिका जनस्वास्थ्य
शाखाबाट २ लाख सहयोगमा प्रसुती र प्रयोगशाला सेवा सञ्चालन भएको हो ।
त्यसैगरी, धनकुमारी गुरुङ र मीनकुमारी गुरुङबाट प्राप्त करीब ७ लाख ५० हजार
रुपैंयाबाट स्वास्थ्य चौकी अगाडीको चौर, चौतारी र प्राङ्गण व्यवस्थापनका
गरिएको जनाइएको छ ।
SwadeshPost > माडी (स्थानीय) खबर पोष्ट > बरुवास्थित गर्दी स्वास्थ्य चौकीमा चौबिसै घण्टा प्रसुती सेवा सञ्चालनमा
![SwadeshPost](https://swadeshpost.com/wp-content/uploads/2021/08/Okhati_Soap_Add.gif)