२४ ज्येष्ठ, चितवन । संघीय सरकारको भौतिक पुर्वाधार तथा यातायात मन्त्रालयले चितवन राष्ट्रिय निकुञ्जमाथि आकाशे पुल बनाउन भन्दै पुनः ५० लाख रुपैंया बजेट छुट्याएको छ ।
मन्त्रालयले आगामी आर्थिक बर्ष २०७८/०७९ को स्वीकृत योजनाहरुको सुचिमा ‘भरतपुर महानगरपालिका र माडी नगरपालिका जोड्ने आकाशे पुल निर्माण’को योजनालाई निरन्तरता दिएको हो । चालू आर्थिक बर्ष २०७७/७८ मा समेत सोही शीर्षकमा ५० लाख रुपैंया नै बजेट रहेपनि कुनै काम सुरू हुन सकेको छैन । गत आ.व.२०७६/७७ मा सो शीर्षकको एक करोड बजेट कुनै काम नभई फ्रिज भएको थियो ।
निकुञ्जभित्र सडकजन्य कुनैपनि पूर्वाधार निर्माणमा निकुञ्ज प्रशासन र युनेस्कोले असहमती जनाउने गरेको छ । (तस्वीरमा, ठोरी केरुङ लोकमार्ग अन्तरगत निकुञ्जभित्र बनाउने योजना गरिएको फ्लाई ओभर)
