सोमेश्वर रेशम कृषक सहकारी संस्थाको १७ औं बार्षिक साधारणसभा तथा छैठौं अधिवेशन सम्पन्न

अधिवेशनबाट सहकारीकोे लेखा समिति संयोजकमा टिकाराम प्रसाई तथा सदस्यहरुमा टंकराज अधिकारी र नगेन्द्र पौडेल चयन हुनुभएको छ । यमनाथ पौडेलको अध्यक्षतामा सम्पन्न सो साधारणसभा तथा अधिवेशनको प्रमुख अतिथि माडी नगरपालिकाका सहकारी संयोजक ईश्वरी प्रसाद ढकाल तथा विशिष्ट अतिथि वडा नं. ६ का वडाध्यक्ष भरत बहादुर गुरुङ रहनुभएको थियो । त्यसैगरी कार्यक्रमका अतिथिहरुमा कार्यपालिका सदस्य कुमारी आचार्य र पूर्व गाविस अध्यक्ष प्रेमराज तिमिल्सिना रहनुभएको थियो ।

साधारणसभामा संस्थाको आर्थिक प्रतिवेदन, लेखापरीक्षण प्रतिवेदन, बार्षिक प्रगति प्रतिवेदन र आगामी कार्ययोजना पारित गरिएको थियो भने उत्कृष्ट ऋणि र बचतकर्ता गरी १० जना सेयर सदस्यहरुलाई सम्मान गरिएको थियो ।