पूर्व स्वास्थ्य एवम् भुमिसुधार सहायक मन्त्री तथा थारू कल्यणाकारिणी सभा चितवनका पूर्व जिल्ला सभापति सन्त कुमार चौधरीको ८० बर्षको उमेरमा साेमबार देहान्त भएको छ ।चितवन मेडिकल कलेजमा उपचारको क्रममा उहाँको निधन भएको हो । चौधरी बि.सं. २०३६ सालमा स्वास्थ्य सहायक मन्त्री र २०४३ सालमा भूमिसुधार सहायक मन्त्री हुनुभएको थियो । थारु कल्याणकारिणी सभा चितवनको संस्थापक सदस्य रहनुभएका चौधरी २०२३ देखि २०२७ सालसम्म सभाको जिल्ला सभापतिमा भई चितवनको थारु जागरणको अगुवाई गर्नुभएको माडीका थारु अगुवा कृष्ण चौधरीले स्वदेश एफ.एम.लाई जानकारी दिनुभयो ।
यसैबिच, पूर्व अध्यक्ष चौधरीको दुखद निधनप्रति थारू कल्याणकारिणी सभा, जिल्ला समिति चितवन र थारु कल्याणकारी सभा क्षेत्र नं. १, माडीले शोक व्यक्त गरेको छ । छुट्टाछुट्टै शोक वक्तव्यमार्फत थारु कल्याणकारिणी सभा चितवनका अध्यक्ष ललित कुमार चौधरी र माडी क्षेत्रका अध्यक्ष भीम प्रसाद महतोले शोकसन्तप्त परिवारजन र आफन्तजनप्रति धैर्यधारणको कामना गर्दै समवेदना व्यक्त गर्नुभएको हो ।
