कृषक उपकार मध्यवर्ती बचत तथा ऋण सहकारी संस्था लि. काे १८ औं बार्षिकोत्सव मनाइयाे

254
SwadeshPost

कृषक उपकार मध्यवर्ती बचत तथा ऋण सहकारी संस्था लिमिटेडको १८ औं बार्षिकोत्सव शनिबार सम्पन्न भएको छ । माडी नगरपालिका वडा नं. २ भैरवपुरस्थित सहकारी भवनमा सञ्चालित सो कार्यक्रममा सहकारीको सञ्चालक समिति, कर्मचारी र सेयर सदस्यहरुको सहभागिता रहेको थियो ।

सहकारीका अध्यक्ष देबेन्द्रप्रसाद पौडेलको अध्यक्षतामा सम्पन्न सो कार्यक्रमको प्रमुख अतिथि माडी नगरपालिकाका सहकारी संयोजक एवं वडा नं. २ का वडाध्यक्ष ईश्वरी प्रसाद ढकाल रहनुभएको थियो । कार्यक्रमलाई सम्बोधन गर्दै सोही सहकारीका पूर्व व्यवस्थापक समेत रहनुभएका वडाध्यक्ष ढकालले माडी नगरपालिकाले किसानहरुलाई चार प्रतिशत व्याजदरमा सुलभ ऋण उपलब्ध गराउने प्रकृया सुरुवात हुन लागेको जनाउनुभयो । यसका लागि हरेक वडा कार्यालयहरुमा कृषकहरुले आवेदन गरिसकेको र माडीका चारवटै साना किसान कृषि सहकारी संस्थाहरुले छिट्टै प्रक्रिया पुरा गरी ऋण प्रवाह गर्ने उहाँको भनाई थियो ।

यसैबिच, बार्षिकोत्सवको अवसर पारी कृषक उपकार मध्यवर्ती बचत तथा ऋण सहकारी संस्थाले विभिन्न पक्षहरुमा उत्कृष्ट कारोबार गर्ने सेयर सदस्यहरुलाई सम्मानित गरेको छ । सहकारीले असल बचतकर्ताका रुपमा पुष्पा अधिकारी, रीता पौडेल, दिनानाथ अधिकारी, राधिका महतो, मेलिना खड्का, ललित महतो, जोगाराम महतो र मंगली दराईलाई सम्मान गरेको हो । त्यसैगरी असल व्यवसायीका रुपमा कुमारी के.सी., श्रीकृष्ण ढकाल, होमकुमारी लामिछाने, दिनेश गुरुङ, बिनोद सुवेदी, मोहन भण्डारी, पूर्ण बहादुर कामी, अम्बिका मिश्र, रामेश्वर चौधरी, सरोज शाह र पुष्पा अधिकारीलानई सम्मानित गरेको थियो । त्यस्तै, सहकारीका ज्येष्ठ सेयर सदस्यहरु शेषकान्त ढकाल, कामती पैनी, देबीलाल पौडेल, मोहदत्त काफ्ले, बमभोला महतो, गंगाधर पौडेल, हरिकला पौडेल र सन्तमाया दमाईलाई सम्मानित गरिएको थियो । बार्षिकोत्सवकै अवसर पारी सो सहकारीका सेयर सदस्यका सन्तानहरुमध्ये एस.इ.ई. तहमा सर्बाधिक ग्रेड ल्याएका सुदीप ओझा र रोशनी पौडेल तथा उच्च माध्यमिक तहमा सर्बाधिक अंक हासिल गरेका गरिमा भुर्तेल र सुजन पौडेललाई समेत सम्मान गरिएको थियो ।

Mahindra