गाउँमा बिजुली जडानको माग गर्दै अाइतबार मध्यपूर्वी माडीको दिवानगर गाउँबासीहरुले नेपाल बिद्युत प्राधिकरणको भरतपुर वितरण केन्द्र घेराउ गरेका छन् । माडीमा बिजुली बल्न सुरु भएको दुई बर्ष बितिसक्दा पनि दिवानगर गाउँमा बिजुली बिस्तार नगरिएको भन्दै भरतपुर वितरण केन्द्र घेराउ गरिएको हो ।
प्राधिकरण घेराउ कार्यक्रममा स्थानीय युवाहरुसंगै नेपाल कम्युनिष्ट पार्टी (नेकपा) का प्रदेश नं. ३ सदस्य लीलाधर आचार्य, वडा नं. ७ का निर्वाचित वडा सदस्य राम बहादुर क्षेत्री र स्थानीय सामाजिक तथा राजनैतिक अगुवाहरु ढाकामोहन तिमिल्सिना, कुल बहादुर आचार्य लगायतको उपस्थिति रहेको थियोे । प्राधिकरण पक्षले सोमबारबाटै सो क्षेत्रमा बिजुली बिस्तारको प्रक्रिया सुरुवात गर्ने जनाएको छ ।