माडी
उपत्यकाको माटोमा अम्लियपना बढ्दै गएको देखिएको छ । अत्यधिक रासायनिक मलको
प्रयोगका कारण माटोमा अम्लिय दोष बढ्दै गएको हो । माडी नगरपालिकाको
आयोजना, माडीका साना किसान कृषि सहकारी संस्थाहरुको सहयोग र मातृभूमि कृषि
सामग्री उद्योग भरतपुरको प्राविधिक सहयोगमा माडीमा जारी माटो परीक्षण
शिविरमा माडीको माटोमा बढ्दै गएको सो दोषको पहिचान भएको हो ।
विहिबार माडी क्याम्पसमा ३२० जना कृषकहरुले ल्याएको तथा शुक्रबार
बरुवा बजारमा १५० कृषकहरुले ल्याएको माटो परीक्षण गर्दा बहुसंख्यक
कृषकहरुको खेतमा अम्लियपना बढ्दै गएको देखिएको हो । अझै २ दिन शिविर
सञ्चालन हुने र त्यसपश्चात अन्तिम रिपोर्ट प्राप्त हुने मातृभूमि कृषि
सामग्री उद्योगले जनाएको छ । शिविर अन्तरगत आज शनिवार कल्याणपुरमा शिविर
चलिरहेको छ भने आइतबार अयोध्यापुरी क्षेत्रमा निःशुल्क माटो परीक्षण शिविर
सञ्चालन हुने जनाइएको छ ।
खेतीयोग्य जमिनमा अम्लीयपन बढेसंगै कृषि
उत्पादनको दर घट्दै जाने बिज्ञहरु बताउँछन् । माटोमा देखिएको अम्लीयपन
हटाउन कृषि चुन प्रयोग गर्न, प्रत्येक वर्ष एकै प्रकारको बाली नलगाउन,
हरियो मल र पोटासको प्रयोग बढाउन बिज्ञहरुको सुझाव रहने गरेको छ ।
SwadeshPost > कृषि र कृषक पोष्ट > माडी उपत्यकाको माटोमा अम्लियपना बढ्दो, उत्पादन कमी हुने चिन्ता
![SwadeshPost](https://swadeshpost.com/wp-content/uploads/2021/08/Okhati_Soap_Add.gif)