डम्पिङ साइट नहुँदा बसन्तपुरकाे खुला चौर छेउकाे पाेखरी फोहोर फ्याँक्ने थलो बन्दै

70
SwadeshPost

यसैबिच, माडीको बसन्तपुरस्थित खुला चौरको छेउमा बनाइएको पोखरी डम्पिङ साइटका रुपमा फोहोर फ्याँक्ने थलो बन्दै गएको देखिएको छ । बसन्तपुर बजारबाट दैनिक रुपमा निस्कने फोहोर फालिँदा पोखरीमा फोहोरको थुप्रो देखिन थालेको हो । फाहोरका कारण पोखरीको पानी पनि अत्यन्त प्रदूषित बनेको देखिन्छ । बसन्तपुर बजारमा युवाहरुको सक्रियतामा स्थापित केहि समुहरुले जथाभावी फोहोर फ्याँक्नेलाई जरिवाना लगायतको नियमहरु बनाएतापनि त्यो भने उचित कार्यान्वयनमा आउन सकेको छैन । माडी नगरपालिकाले फोहोर व्यवस्थापनका लागि कार्यविधी बनाउने बताउँदै आएपनि कार्यबिधी तयार गर्न र त्यस अनुरुप डम्पिङ साइट घोषणा गर्न ढिलाई गरिरहेको छ ।

माडीका मुख्य बजार तथा पसलबाट निस्कने फोहोर पदार्थ जथाभावी फ्याँक्ने क्रम रोकिएको छैन । फोहोरको उचित व्यवस्थापन हुन नसक्दा जथाभावी फोहोर फ्याँक्ने क्रम बढेको हो ।

माडीमा फोहोर व्यवस्थापन स्थल डम्पिङ साइट नहुँदा र नियमित फोहोर संकलन, त्यसको प्रशोधन र पुनर्प्रयोग तथा व्यवस्थापन कार्य नहुँदा सानो कोठा वा सटरबाट व्यवसाय गरिरहेका व्यवसायीहरुलाई समेत समस्या परिरहेको छ । कतिपय व्यवसायीहरुले साँझपख फोहोर जलाउने गरेका छन् तर त्यो पनि फोहोर व्यवस्थापनको राम्रो उपाय नरहेको बिज्ञहरुको भनाई छ ।

Mahindra