माडीमा सञ्चालित घुम्ती रक्तदान शिविरमा ८५ जना रक्तदाता सहभागी

42
SwadeshPost

चितवनमा रगतको अभाव बढ्दै गएको सन्भर्दमा माडीमा सञ्चालित घुम्ती रक्तदान शिविरमा आज सोमबार ८५ जना रक्तदाताहरुले रक्तदान गरेका छन् । सेरुवा, बरुवा र बसन्तपुरमा सञ्चालित रक्तदान शिविरहरुमा सहभागी भई ६ जना महिलासहित कुल ८५ जनाले रक्तदान गरेका हुन् ।

रेडक्रसकर्मी भागिरथ बस्यालले सेरुवामा ६४ औं पटक रक्तदान गरी सुरु भएको रक्तदान बसन्तपुरमा रक्तदाता भागिरथ महतोको रक्तदानपश्चात रोकिएको थियो । नेपाल रेडक्रस सोसाइटी बघौंडा उपशाखा र माडी जेसिजको आयोजना तथा क्षेत्रीय रक्तसञ्चार केन्द्र भरतपुरको प्राविधिक सहयोगमा घुम्ती रक्तदान शिविर सञ्चालन भएको थियो । बसन्तपुर बजारमा रक्तदान सकिएपश्चात स्थगित भएको सो कार्यक्रम पुनः अर्को मितिमा बसन्तपुरभन्दा पूर्वी क्षेत्रमा सञ्चालन गरिने रेडक्रसकर्मी भागिरथ बस्यालले जनाउनुभयो ।

Mahindra