माडीको द्रौपतिनगरमा रहेको एक अष्ट्रियन परिवारलाई उद्धार गरी काठमाडौं पठाइयो

220
SwadeshPost

नेपालमा रहेका युरोपियन नागरिकहरु लिन चार्टर्ड जहाज काठमाडौं आउने भएसंगै माडीको द्रौपतिनगरमा रहेको एक अष्ट्रियन परिवारलाई उद्धार गरी काठमाडौं पठाइएको छ ।

माडी नगरपालिका वडा नं. १, द्रौपतिनगरमा ससुराली घरमा बस्दै आएका अष्ट्रियन नागरिक मार्कोस समर, उहाँकी श्रीमती बिष्णु तामाङ, छोरा लियाम समर-तामाङ र छोरी लिभिया समर-तामाङलाई उद्धार गरी काठमाडौं पठाइएको हो । नेपालस्थित अष्ट्रियन कन्सुलेटको औपचारिक आग्रहमा सो परिवारलाई स्थानीयबासी विश्वनाथ महतोको गाडीमार्फत उद्धार गरी काठमाडौं पठाइएको माडी १ का वडाध्यक्ष कृष्ण प्रसाद पौडेलले जानकारी दिनुभयो ।

अष्ट्रियन परिवारसंगै भरतपुर-२२, पटिहानीमा रहेका ५ जना डच (नेदरल्याण्डबासी) नागरिकहरुको पनि उद्धार गरिएको वडाध्यक्ष पौडेलले इमेलमार्फत जानकारी दिनुभयो । उद्धार गरिएकाहरु फ्रेन्च दुतावासले चार्टर्ड गरेको जहाजमार्फत आइतबार बिहान ८ बजे फ्रान्सका लागि उड्ने व्यवस्था गरिएको कन्सुलेटको पत्रमा जनाइएको छ ।

SwadeshPost