प्रवासबाट स्वदेश फर्किदा माडीको बसन्तपुरस्थित माडी माध्यमिक विद्यालय क्वारेन्टाइनमा राखिएका सहित ७२ जनाको पि.सि.आर. बिधीबाट कोरोना परीक्षण गरिएकाेमा सबैकाे रिपाेर्ट नेगेटिभ आएकाे छ । रिपाेर्टकाे नतिजा जिल्ला काेभिड विपद व्यवस्थापन केन्द्र चितवनकाे आधिकारिक फेसबुक पेज (काेभिड इन्फाे चितवन) मार्फत जनाइएकाे हाे ।
यसरी काेभिड-१९ परिक्षण गरिएकाहरुमध्ये क्वारेन्टाइनमा रहेका ५४ जना र त्यहाँ खटिएका सुरक्षाकर्मी, स्वास्थ्यकर्मी तथा उनीहरुको सम्पर्कमा रहेकाहरू छन् । माडी नगरपालिका जनस्वास्थ्य शाखाले भरतपुरस्थित कोभिड १९ परीक्षण प्रयोगशालाको सहयोगमा सो क्वारेन्टाइनमाल गत जेष्ठ ३२ गते स्वाब संलकन गरेको हो ।
माडी मा.वि. क्वारेन्टाइनमा दुईवटा समूह रहेकोमा पहिलो समूह जेष्ठ १८ गते राती तथा दोश्रो समूह जेष्ठ २३ गते रातीबाट त्यहाँ राखिएका हुन् । माडी नगरपालिकाले सुनौलीको स्थानीय प्रशासन र सुरक्षा निकायसंग फोनमार्फत समन्वय गरी उनीहरुलाई त्यहाँ ल्याएको हो ।
