बाँदरझुला: आधा दशक लामो आन्दोलन, तर उपलब्धी शुन्य (भिडियो सहित)

30
SwadeshPost

बाँदरझुला सुकुम्बासी संघर्ष समितिले बस्ती व्यवस्थापनको माग राखी आन्दोलन सुरु गरेको आधा दशक वितिसक्दा पनि समस्या समाधानको सुरुवात समेत हुन सकेको छैन ।

बाँदरझुला बस्ती उठाउन चितवन राष्ट्रिय निकुञ्जले ३५ दिने सुचना जारी गरेको सन्दर्भमा आजभन्दा ठीक ४ बर्षअघि बाँदरझुलावासीहरुले तात्कालीन प्रधानमन्त्री पुष्पकमल दाहाल प्रचण्डलाई बालुवाटारमा भेटेका थिए । भेटमा तात्कालीन प्रधानमन्त्री प्रचण्डले आउने क्याबिनेट मिटिङमै बाँदरझुला बस्ती व्यवस्थापनको बिषय टुंगोमा पु-याउने बताउनुभएको थियो । सो भेटका कारण निकुञ्जको ३५ दिने सुचना रद्द हुनुबाहेक बाँदरझुलाबारे क्याबिनेटमा कुनै प्रस्ताव टेबुल भएन र कुनै निर्णय समेत हुन सकेन ।

(भिडियो: बाँदरझुलाको डेलिगेशन । २०७३ श्रावण २६ गते)

हाल बाँदरझुला, कुसुमखोला र माडी उपत्यकाका भूमिहीन सुकुम्बासी, बाढीपिडीत र चेपाङ समुदाय आन्दोलनमा छ । उनीहरुले बस्ती व्यवस्थापनसंग सम्बन्धित १५ बुँदे माग राखी माडीका चारवटै मध्यवर्ती उपभोक्ता समितिको कार्यालयमा तालाबन्दी गरेका छन् । तर तालाबन्दी खुलाउने सन्दर्भमा पनि कुनै पनि पक्षबाट छलफल वा वार्ताको पहल सुरु भएको छैन । र बाँदरझुला, कुसुमखोला, पौहारी लगायतका सुकुम्बासी बस्तीका समस्याहरु जस्ताको त्यस्तै छन् ।

Mahindra