माडीका कपडा तथा फेन्सी व्यवसायीहरुले बिना दर्ता पोके फिरन्ते व्यवसाय गर्नेहरुलाई नियमन गर्न स्थानीय सरकारसंग अनुरोध गरेका छन् ।
माडी कपडा तथा फेन्सी व्यवसायी संघको बैठकले कहिँपनि दर्ता नगरी तथा करको दायरामा नआई खुलेआम रुपमा माडीका गाउँघर र बजारहरुमा पोके फिरन्ते व्यवसाय गर्ने क्रम बढेकाले त्यसलाई कानुनतः नियमन गर्न स्थानीय सरकारसंग अनुरोध गरेको हो । बजारमा विना दर्ताका ब्यवसायीहरुले गाडी वा पोकामा सामान ल्याएर खुल्ला रुपमा विक्रीवितरण गर्दा ब्यवसायीहरु मर्कामा परेको व्यवसायीहरुको भनाई छ ।
त्यसैगरी संघले माडी क्षेत्रभित्र कपडा तथा फेन्सीजन्य चिजहरु बिक्री गर्ने व्यवसायमा रहेको सम्पूर्ण व्यवसायीहरुलाई संघमा आवद्ध हुन पनि अनुरोध गरेको छ । बैठक बसन्तपुर बजारमा संघका अध्यक्ष गोपाल प्रसाद अधिकारीको अध्यक्षतामा बसेको हो ।
