चितवन । माडी-४, खैरहनीस्थित खैरहनी माध्यमिक विद्यालयको व्यवस्थापन समिति अध्यक्षमा सुवास तिवारी चयन हुनुभएको छ ।
करीब एक साताअघि सम्पन्न अभिभावक भेलाबाट विद्यालय व्यवस्थापन समितिका लागि चुनिएका सदस्यहरुको बैठकले स्थानीय युवा अगुवा एवं व्यवसायी तिवारीलाई अध्यक्ष चयन गरेको हो ।
व्यवस्थापन समिति सदस्यहरुमा चित्रकला रानाभाट, सञ्जु महतो, बालकुमारी भुजेल र माया महतो चुनिनुभएको छ । अध्यक्षमा चयन तिवारीले आफ्नो शैक्षिक योग्यता मध्येको कक्षा ७ सम्मको अध्ययन सोही विद्यालयमा गर्नुभएको हो ।
