चितवन राष्ट्रिय निकुञ्जभित्र राप्तीदेखि रीउ नदीको पुलसम्मको सुबिधा प्राप्त हुलाकी सडक भरतपुरस्थित सडक डिभिजन कार्यालय भरतपुरले मर्मत गर्ने भएको छ ।
माडीका नगरप्रमुख ताराकुमारी काजी महतो र नगर उपप्रमुख खेमप्रसाद महतो लगायतसंग बनकट्टा पुलमा प्रारम्भीक छलफल र त्यसपश्चात माडी नगर कार्यपालिका कार्यालयमा भएको परामर्श भेटमा सडक डिभिजन कार्यालय भरतपुरका प्रमुख सिनियर डिभिजन ईन्जिनियर रमेश प्रसाद पौडेलले सो प्रतिबद्धता जनाउनुभएको हो ।
माडी नगरपालिकाको अनुरोध पश्चात निकुञ्ज भित्रको बाटो अनुगमनमा आउनुभएका ईन्जिनियर पौडेलले आउँदो आइतबारदेखि मर्मत कार्य सुरुवात गर्ने बताउनुभयो ।
निकुञ्ज भित्रको सडक कालोपत्रे नहुँदासम्म हरेक बर्ष बर्षायाम अगाडि र दशैं पर्व अगाडि गरी दुईपटक माडी नगरपालिकासंगको समन्वय र सहकार्यमा सडक डिभिजन कार्यालय भरतपुरले बाटो मर्मत गर्ने ईञ्जिनियर पौडेलको भनाई थियो ।
यसअघि, माडी नगरपालिकाले आफ्ना निर्माण साधनहरु पठाई गत सोमबारदेखि निकुञ्जभित्रको बाटोमा परेको खाल्डाखुल्डी मर्मत सुरु गरेको थियो । तर सो कार्य सडक डिभिजन कार्यालय भरतपुरले मर्मत गर्ने भएसंगै आइतबारसम्म रोकिएको छ ।
