बडीकेदार मेलाका भक्तजनलाई पूर्वमन्त्री आलेको आफ्नै खर्चमा सातवटा निःशुल्क बस

चितवन, ६ मंसिर, २०८३ । डोटीको प्रसिद्ध बडीकेदार धाममा लाग्ने मेलामा सहभागी हुने भक्तजनका लागि पूर्वमन्त्री प्रेमबहादुर आलेले आफ्नै खर्चमा सातवटा निःशुल्क बसको व्यवस्था गर्नुभएको छ ।

मंसिर ६ गतेदेखि सुरु हुने मेलाका लागि धनगढीका विभिन्न स्थानबाट बिहान ५ बजे बस छुट्नेछन् । मंसिर ७ गते साँझ ४ बजे धामबाट भक्तजनलाई धनगढी फर्काउने व्यवस्था पनि मिलाइएको छ ।

यस सेवाका लागि कुनै जिल्ला वा क्षेत्रको नागरिकता तथा बसाइँसराइको प्रमाण आवश्यक पर्ने छैन । जुनसुकै क्षेत्रबाट आएका श्रद्धालुले निःशुल्क बस सेवा लिन सक्नेछन् ।

यस वर्षको मेलामा दुई लाखभन्दा बढी भक्तजन सहभागी हुने अनुमान गरिएको बडीकेदार क्षेत्र पर्यटन विकास समितिका अध्यक्ष उपेन्द्र बमले जानकारी दिनुभएको छ ।

तपाईको प्रतिक्रिया